Category: Newyddion y Fali

BWRIAD I GAU FFORDD GORAD, Y FALI A GWYRIAD ARFAETHEDIG – 22 MEDI TAN 26 MEDI 2025

Annwyl Mrs Sheldon,

Ysgrifennaf atoch ar ran National Grid Electricity Transmission i roi gwybod i chi fod angen i ni wneud gwaith cloddio ar Ffordd Gorad, y Fali. Mae’r gwaith yn ofynnol yn rhan o’n prosiect i adeiladu is-orsaf newydd ym Mhenrhos ac i gadarnhau union leoliad piblinell nwy.

Er mwyn cwblhau’r gwaith cloddio’n ddiogel, bydd angen cau rhan o Ffordd Gorad i draffig o 22 Medi 2025 tan 26 Medi 2025, a bydd modurwyr yn cael eu dargyfeirio i ddefnyddio’r A5025. Yn ystod y cyfnod hwn, bydd preswylwyr yn gallu cyrraedd eiddo oddi ar Ffordd Gorad gan ddefnyddio llwybr y gwyriad, a bydd mynediad i gerddwyr a beicwyr yn cael ei gynnal.

Disgwylir i’r gwaith bara pum niwrnod, a bydd preswylwyr yn gallu cyrraedd eu heiddo yn y ffordd arferol o 27 Medi 2025 ymlaen.

Mae angen cau’r ffordd oherwydd ystyrir nad yw cynlluniau hanesyddol yn dangos lleoliad y biblinell nwy o dan Ffordd Gorad yn iawn. Credir bod y biblinell wedi’i gosod yn ddyfnach nag y mae’r mapiau sydd ar gael yn awgrymu. Bydd ein tîm yn cloddio rhan o’r ffordd yn ofalus i gadarnhau safle’r biblinell cyn ei hadfer yn llwyr.

Byddwn yn sicrhau bod y gymuned leol yn gwbl ymwybodol o’r gwaith hwn ymlaen llaw. Bydd llythyr yn cael ei ddosbarthu i oddeutu 2,000 o breswylwyr sy’n byw agosaf i Ffordd Gorad, yn rhoi’r wybodaeth uchod iddynt ac yn darparu ein manylion cyswllt uniongyrchol os hoffent drafod ymhellach. Bydd cynllun yn cael ei gynnwys sy’n amlinellu lleoliad y gwaith a llwybr arfaethedig y gwyriad (mae copi o’r cynllun hwn wedi’i atodi i’r neges e-bost). Bydd datganiad i’r wasg yn cael ei ryddhau hefyd i siopau lleol i hysbysu’r gymuned ehangach.

Mae National Grid yn gweithio’n agos gyda Chyngor Cymuned y Fali ynglŷn â’r gwaith hwn. Mae digwyddiadau galw heibio’n cael eu trefnu hefyd lle gall y gymuned leol drafod y gwaith hwn ymhellach a gofyn unrhyw gwestiynau. Mae cwmnïau bysiau ac ysgolion lleol wedi cael gwybod am y gwaith hwn trwy Adran Briffyrdd Cyngor Sir Ynys Môn.

Deallwn y bydd y gwaith hwn yn tarfu ychydig ar y gymuned leol, ac ymddiheurwn yn ddiffuant ymlaen llaw am unrhyw anghyfleustra a achosir. Bydd ein tîm yn gweithio i gwblhau’r gweithgareddau hyn mor effeithlon a diogel â phosibl.

Os bydd gennych unrhyw gwestiynau, neu os hoffech drafod y gwaith arfaethedig ymhellach gyda’n tîm prosiect, mae croeso i chi gysylltu â ni drwy anfon neges e-bost at penrhos@nationalgrid.com neu drwy ffonio 0800 066 8941.

Diolch am eich ystyriaeth.

Yn gywir,

Elliot Hobbs

Rheolwr Prosiect Arweiniol – Cysylltiadau Cwsmeriaid (Gogledd)

National Grid Electricity Transmission

Gorad Road Closure – Infographic

Mae Gwreiddiadau Môn Roots yn bartneriaeth sy’n ceisio rhoi terfyn ar Ddigartrefedd Cefn Gwlad ar Ynys Môn drwy fynd i’r afael a’r gwir achosion.

Ydy chi mewn dyled o ran rhent neu’n methu taliadau morgais? Ydych chi’n wynebu dyledion, yn brwydro i geidio cynhesu eich eiddo? Yduch chi eisiau cefnogaeth gyda’ch iechyd meddwl? Ydych chi’n cael problemau gyda’ch cartref neu mewn perygl o fod yn ddigartref? A yw eich perthynas yn chwalu? Ydych chi’n ymdrechu i allu ffordio sioa bwyd?

HYSBYSIAD CYFETHOL
Adran 116 Mesur Llywodraeth Leol (Cymru) 2011

RHODDIR HYSBYSIAD TRWY HYN fod Cyngor Cymuned Y Fali bwriadu Cyfethol 1 aelod i lenwi’r sedd gwag sydd ar gael ar gyfer Cynghorydd yng Nghymuned (Ward) Llanynghenedl.

Ceisir datganiadau o ddiddordeb gan aelodau o’r cyhoedd sy’n cyflawni’r meini prawf canlynol ac sydd â diddordeb mewn cynrychioli eu cymuned ar y Cyngor Cymuned dywededig. Rhaid bod yn ddinesydd Prydain, y Gymanwlad, Iwerddon neu’r Undeb Ewropeaidd ac yn 18 oed neu’n hŷn, ac yn cyflawni o leiaf un o’r meini prawf canlynol:

• wedi’ch cofrestru fel etholwr llywodraeth leol ar gyfer yr ardal a enwir uchod; neu
• yn ystod y cyfan o’r 12 mis diwethaf, wedi bod yn berchennog neu’n denant tir neu safle arall yn y gymuned a enwir uchod; neu
• wedi bod â’ch prif neu’ch unig weithle yn ystod y 12 mis diwethaf yn y gymuned a enwir uchod; neu
• rydych wedi byw yn y Gymuned, neu o fewn 4.8 cilometr ohoni yn ystod y cyfan o’r 12 mis diwethaf

Os ydych yn dymuno cael eich ystyried i gael eich cyfethol ar gyfer y sedd(au) gwag, neu’n dymuno cael rhagor o wybodaeth ynghylch rôl Cynghorwyr Cymuned, cysylltwch â’r Clerc y Cyngor Cymuned ar/yn  valleycommunitycouncil@gmail.com erbyn (dyddiad cau) 10 Gorffennaf 2025

Mae rhai pobl penodol wedi’u hanghymhwyso rhag ymgeisio, yn eu plith swyddogion cyflogedig y Cyngor, unrhyw un sy’n destun gorchmynion cyfyngu methdalwyr a’r rheiny sy’n destun dedfrydau o garchar yn ddiweddar.  Cyfrifoldeb yr ymgeisydd yw sicrhau ei bod yn gymwys i sefyll

Dyddiedig 20 Mehefin 2025

Mae cynllun cymunedol yn rhestr o’r pethau yr hoffai’r gymuned eu datblygu yn eu hardal.

Hoffai Cyngor Cymuned Y Fali weithio ar hyn o fewn ffiniau’r Fali a Llanynghenedl, ac mae angen i chi gymryd rhan a rhoi eich syniadau a’ch awgrymiadau i ni.

Cliciwch y ddolen isod i gwblhau’r holiadur 

https://forms.gle/ebWWuczo34v5qiYKA

Hysbysiad o benodi’r dyddiad ar gyfer arfer hawliau etholwyr – Cyngor Cymuned Y Fali

Hysbyseb ar gyfer Hawliau Etholwyr 2024.25

Sedd Gwag – Swydd Cynghorydd

Cymuned Y FALI / VALLEY
Ward LLANYNGHENEDL

RHYBUDD CYNTAF – Y Fali – Llanynghenedl

Mae Cronfa Cydlyniant Cymunedol Gogledd Orllewin Cymru yn gyfle i’ch mudiad wneud cais am grant o rhwng £500 a £5000 ar gyfer digwyddiadau a gweithgareddau sy’n dod a gwahanol gymunedau ynghyd o fewn Gwynedd, Ynys Mon a Chonwy. Mae pecynnau cais a gwybodaeth ar gael tan 13/06/25 drwy e-bostio cydlyniantcymunedol@ynysmon.llyw.cymru

Croesawodd Cyngor Cymuned Y Fali drigolion lleol, dydd Sadwrn 24 Mai 2025, i’r agoriad swyddogol y Cwrt Pêl-fasged ym Mharc Mwd.

Braint oedd gwahodd Kieran Jones, pencampwr rhyngwladol pêl-fasged ag athletau mewn cadair olwyn a’i frawd Ryan hefyd yn chwaraerwr pêl-fasged pen ei gamp i dorri’r ruban ag agor y cwrt i’r gymuned. Y ddau frawd oedd yn gyfrifol i hau’ r syniad adeliadu’r cwrt yn y lle cyntaf.

Dywedodd Kieran “Sport has changed my life and it’s important that we start at grass root level”

Dywedodd y Cadeirydd, y Cynghorydd Neil Tuck: “Mae’r cwrt pêl-fasged yn symbol o ymrwymiad cyffredin ein cymuned i hyrwyddo ffyrdd o fyw iach a gweithgar. Mae’n adlewyrchu gweledigaeth ein partneriaid, haelioni ein harianwyr, a gwaith caled pawb a helpodd i wireddu’r prosiect hwn. Gobeithiwn y bydd yn dod yn lle parhaol lle gall cenedlaethau’r dyfodol ddatblygu eu sgiliau, gwella eu lles, a bod yn falch o’r hyn y gellir ei gyflawni trwy gydweithio.”

Aeth ymlaen i fynegi diolch diffuant y Cyngor i’r holl randdeiliaid a wnaeth y prosiect yn bosibl trwy eu cefnogaeth hael — gan gynnwys cyllid grant gan Wobrau i Bawb Loteri Genedlaethol Cymru, Ymddiriedolaeth Elusen Ynys Môn, Dŵr Cymru, a Chynghrair Bro Llynnoedd. Estynnwyd diolch arbennig hefyd i G L Jones, adeiladwyr y prosiect, ac yn enwedig i Lagan Aviation Infrastructure Ltd., a ddarparodd yr holl seilwaith yn rhad ac am ddim fel rhodd i’r gymuned — cyfraniad hanfodol a sicrhaodd lwyddiant y prosiect. Derbyniodd Kieran, Ryan a Darren a’r ran Lagan Aviation dystysgrifau am eu cyfraniad gwerthafwr i’r gymuned a balchder bro.

Darparodd Swish Coaching Ltd sesiwn hyfforddi ar gyfer chwaraewyr ifanc i hyrwyddo diddordeb yn y gêm.

Ychwanegodd y Cynghorydd Sir Ken Taylor “Mae’r Cyngor yn falch o ddarparu’r adnodd hwn i’r gymuned ac yn edrych ymlaen at weld eraill fel Kieran a Ryan yn elwa o chwarae a chwaraeon.”

Bydd y Cwrt Pêl-fasged newydd yn cael ei lansio’n swyddogol am 1pm ar ddydd Sadwrn 24/5/25 ym Mharc Mwd, y Fali. Bydd Kieran a Ryan Jones yn lansio’r Cwrt yn yn swyddogol a mae Sion Parry o Swish Coaching Ltd wedi trefnu i ddau hyfforddwr a thîm o Holyhead Celts (15 chwaraewr) ddarparu sesiynau hyfforddi i unrhyw un sy’n dymuno cymryd rhan! Bydd diodydd ar gael.

Cyfle hefyd i ddweud eich dweud – croeso i bawb!