Mae’r Cyngor yn nodi gyda thristwch mawr farwolaeth sydyn Ken Taylor, aelod o Gyngor Cymuned Fali.
Ymunodd â’r Cyngor Cymuned ym Mehefin 2013, gan wasanaethu’n ymroddedig. Etholwyd ef yn Is-gadeirydd yn 2018 ac yn Gadeirydd am ddau dymor yn 2019 a 2020.
Roedd yn ymrwymedig i’w gymuned ac yn awyddus i hyrwyddo lles trigolion Fali ac i gefnogi’r iaith Gymraeg ar bob cyfle. Mae’r Cyngor yn cydnabod ei gyfraniad pwysig dros y blynyddoedd.
Estynnir cydymdeimlad dwysaf â’i blant, ei deulu a’i ffrindiau. Bydd ei golled yn cael ei theimlo’n fawr yng Nghyngor Cymuned y Fali.
Neges gan y Cadeirydd:
“Bydd y rhai a fu’n gweithio gydag ef yn cofio ei angerdd, ei uniongyrchedd a’i barodrwydd i sefyll dros ei gymuned.
Roedd ei gefnogaeth i’r iaith yn rhan bwysig o’i gyfraniad i’r Cyngor, ac yn adlewyrchu ei falchder yn ei hunaniaeth, ei dreftadaeth a’i ddiwylliant lleol.
Bydd ei flynyddoedd lawer o wasanaeth, ei ymrwymiad i’r gymuned a’i gyfraniad i fywyd cyhoeddus yn cael eu cofio gyda diolchgarwch.
Ar ran y Cyngor, estynnwn ein cydymdeimlad diffuant â theulu Ken, ei ffrindiau, a phawb a’i hadnabu yn ystod y cyfnod trist hwn.”
Rhoddir rhybudd trwy hyn fod 1 sedd wag am swydd Cynghorydd yn y Gymuned uchod.
Bydd etholiad yn cael ei gynnal i lenwi’r sedd gwag petai y Swyddog Canlyniadau, Gwasanaethau Etholiadol, Swyddfeydd y Cyngor Sir, LLANGEFNI, Ynys Môn, LL77 7TW, yn derbyn cais am etholiad o’r fath yn ysgrifenedig o fewn pythefnos ar ôl dyddiad y Rhybudd hwn (ac eithrio penwythnosau a gwyliau banc), oddi wrth DEG o bobl sydd wedi cofrestru fel etholwyr llywodraeth leol ar gyfer yr ardal leol lle cafwyd y sedd gwag.
Dylan Williams
Swyddog Canlyniadau / Returning Officer
24 Hydref / October 2025
RHODDIR DRWY HYN RYBUDD fod Cyngor Sir Ynys Môn/Isle of Anglesey County Council yn bwriadu dim llai na saith niwrnod
ar ôl dyddiad y rhybudd hwn wneud Gorchymyn bydd yn gwahardd dros dro pob cerbyd, ac eithrio cerbydau argyfwng, rhag teithio mewn unrhyw gyfeiriad ar hyd Lôn Gorad, Y Fali.
